Son 5 ildə iki ölkə liderləri arasında qarşılıqlı səfərlər və siyasi əməkdaşlıq intensivləşib
Elpress.az xəbər verir ki, Azərbaycanla Özbəkistan arasında müttəfiqlik münasibətlərinin inkişafı yüksək səviyyəli qarşılıqlı səfərlərin və müxtəlif sahələrdə institusional əməkdaşlığın genişlənməsi ilə müşayiət olunur.Son beş il ərzində Prezident İlham Əliyev Özbəkistana iki dövlət və dörd işgüzar səfər edib. Özbəkistan Prezidenti Şavkat Mirziyoyev isə Azərbaycana iki dövlət və yeddi işgüzar səfər həyata keçirib.İki ölkə arasındakı siyasi əməkdaşlığın əsas mexanizmlərindən biri 2023-cü ildə yaradılan Ali Dövlətlərarası Şuradır. Şuranın ilk iclası 2024-cü ildə Daşkənddə, ikinci toplantısı isə 2025-ci ildə Bakıda keçirilib. Növbəti, üçüncü iclasın da keçirilməsi nəzərdə tutulur.Azərbaycan və Özbəkistan arasında əməkdaşlıq regional səviyyədə də genişlənir. İki ölkənin Regionlararası Forumları 2023-cü ildə Daşkənddə, 2024-cü ildə Qubada, 2025-ci ildə isə Bakıda təşkil olunub.
