ABŞ Prezidenti Donald Trump Türkiyənin yaxın vaxtlarda Lockheed Martin F-35 Lightning II qırıcılarını əldə edəcəyini açıqlayıb.
Elpress.az məlumat verir ki, Donald Tramp bu açıqlamanı Ankarada keçirilən NATO dövlət və hökumət başçılarının zirvə toplantısı çərçivəsində NATO-nun Baş katibi Mark Rutte ilə görüşü zamanı səsləndirib. ABŞ prezidenti çıxışı zamanı Türkiyənin F-35 proqramı ilə bağlı müsbət mesaj verərək, “Türkiyə F-35-ləri əldə edəcək”, – deyə bildirib.Bundan əvvəl Türkiyə Prezidenti Recep Tayyip Erdoğan də Donald Trampla keçirdiyi danışıqların müsbət nəticə verəcəyinə ümid etdiyini açıqlamışdı. Ərdoğan ABŞ-ın F-35 qırıcılarının Türkiyəyə satışı ilə bağlı müsbət qərar qəbul edəcəyini gözlədiyini bildirmişdi.Qeyd edək ki, Ankarada keçirilən NATO liderlərinin növbəti zirvə toplantısında 32 ölkənin dövlət və hökumət başçıları iştirak edir. Görüşdə müdafiə xərclərinin artırılması, İran böhranı, Avropanın təhlükəsizliyi, həmçinin alyansın gələcək strategiyası ilə bağlı mühüm məsələlər geniş şəkildə müzakirə olunur.
