Zelenskinin ofisi Lukaşenkonun məsuliyyətə cəlb olunması məsələsinə baxılmasını istəyib
Elpress.az xəbər verir ki, Ukrayna Prezidenti Volodimir Zelenskinin ofisi Belarus lideri Aleksandr Lukaşenkoya qarşı cinayət işinin başlanması məsələsinin araşdırılması üçün ölkənin baş prokurorluğuna müraciət edib.Məlumata görə, müraciətdə Lukaşenkonun mümkün cinayət məsuliyyəti məsələsinin nəzərdən keçirilməsi xahiş olunub.Bu addımdan əvvəl Belarus Demokratik Qüvvələr Forumu Zelenskiyə müraciət edərək Lukaşenkonun hərbi cinayətlər və dövlət terroru ilə bağlı məsuliyyətə cəlb olunmasına dəstək verməsini istəyib.Lukaşenkonun Ukrayna məhkəməsi qarşısında mühakimə olunması real görünməsə də, bu təşəbbüsün Belarus hakimiyyətinə qarşı Qərbin təzyiqlərinin artırılması üçün siyasi arqument kimi istifadə oluna biləcəyi bildirilir.
