ABŞ Prezidenti Donald Trump Türkiyə Prezidenti Recep Tayyip Erdoğanın İsrailə qarşı hərbi əməliyyatlara qoşulmaq niyyətində olduğunu, lakin onun xahişi ilə bu qərardan geri çəkildiyini iddia edib.
Elpress.az-ın məlumatına əsasən, ABŞ Prezidenti Donald Tramp bu fikirləri Mark Rutte ilə keçirdiyi görüş zamanı səsləndirib. O, Ərdoğanla münasibətlərinin yaxşı olduğunu vurğulayaraq Türkiyə liderinin İsrailə qarşı hərbi əməliyyatlara qoşulmaq istədiyini, lakin onun şəxsi xahişindən sonra bu addımı atmadığını bildirib.Tramp qeyd edib ki, Ərdoğan onu yüksək səviyyədə qarşılayıb və aralarında qarşılıqlı hörmət mövcuddur. Onun sözlərinə görə, Benjamin Netanyahuın Türkiyə və Ərdoğan barədə sərt açıqlamalarından sonra vəziyyət daha da gərginləşib. ABŞ prezidenti bildirib ki, Türkiyə hərbi baxımdan güclü ölkədir və müharibəyə qoşulmaq istəsəydi, regionda vəziyyət tamamilə fərqli istiqamətdə inkişaf edə bilərdi. O, həmçinin vurğulayıb ki, Ərdoğanın müharibəyə qoşulmamasında əsas rol onun etdiyi müraciət olub.
