ABŞ Prezidenti Donald Tramp İranla bağlı yeni və sərt iqtisadi tədbirlərin başlanacağını açıqlayıb.
Elpress.az xəbər verir ki, Tramp “Truth Social” platformasında paylaşdığı açıqlamada İranın razılaşma əldə etmək üçün yaradılan imkanlardan yararlanmadığını bildirib. O, bunun ardınca İrana qarşı “misli görünməmiş miqyasda iqtisadi müharibə və təcrid” kampaniyasına start verildiyini elan edib.ABŞ lideri həmçinin İranla iqtisadi əlaqələr saxlayan və Tehrana dəstək verən ölkələrin də ciddi iqtisadi nəticələrlə üzləşə biləcəyini bildirib.Trampın açıqlaması Vaşinqtonun Tehrana qarşı iqtisadi təzyiqləri artırdığı bir vaxtda səslənib. Bundan əvvəl ABŞ maliyyə naziri Skott Bessent də İranın iqtisadi baxımdan daha sərt şəkildə təcrid olunmasına yönəlmiş tədbirlərin hazırlanmasından danışıb.
Yeni kampaniyanın əsas hədəfləri sırasında İranın neft gəlirləri, maliyyə əməliyyatları və ölkəyə iqtisadi dəstək verən kanalların məhdudlaşdırılması dayanır.
