Ermənistanın üçüncü prezidenti Serj Sarkisyan Korrupsiyaya Qarşı Mübarizə Komitəsinə çağırılıb.
Elpress.az xəbər verir ki, Ermənistan mediasının yaydığı məlumata görə, Sarkisyan komitənin binasına daxil olarkən jurnalistlərə hansı səbəbdən çağırıldığını bilmədiyini deyib.
Qeyd edək ki, daha əvvəl Ermənistan prokurorluğu ölkənin ikinci prezidenti Robert Köçəryana qarşı cinayət təqibinə başlanıldığını açıqlayıb. Köçəryana vəzifə səlahiyyətlərindən sui-istifadə, xüsusilə külli miqdarda rüşvət alma və pul yuma ilə bağlı bir sıra ittihamlar irəli sürülüb.Eyni iş çərçivəsində Serj Sarkisyan da daxil olmaqla daha 9 nəfər barəsində cinayət təqibinin başladıldığı bildirilib.İş üzrə digər şəxslər arasında Robert Köçəryanın oğlu Sedrak Köçəryan, İrəvanın sabiq meri Qaqik Beqlaryan, sahibkar Samvel Mayrapetyan və keçmiş baş nazir Andranik Marqaryanın da adları çəkilir.
