Vaşinqton və Tehran arasında yeni təmas: Qətərdə texniki müzakirələr başlayır
Elpress.az-ın məlumatına əsasən, ABŞ və İran rəsmiləri arasında yeni diplomatik təmaslar keçiriləcək. Tərəflər Qətərin paytaxtı Dohada texniki məsələlərlə bağlı dolayı danışıqlar aparacaq.Məlumata görə, görüşlər birbaşa formatda deyil, vasitəçilərin iştirakı ilə baş tutacaq. Danışıqlarda Qətər və Pakistan nümayəndələrinin vasitəçiliyi ilə anlaşma memorandumunun icrası çərçivəsində əldə olunan irəliləyişlər müzakirə olunacaq.Diplomatik mənbənin bildirdiyinə görə, ABŞ və İran nümayəndələri texniki məsələlər üzrə fikir mübadiləsi aparacaq və razılaşmaların həyata keçirilməsi ilə bağlı mövcud vəziyyəti qiymətləndirəcəklər.Həmçinin qeyd olunub ki, ABŞ Prezidentinin Yaxın Şərq üzrə xüsusi nümayəndəsi Stiv Uitkoff və Cared Kuşner bu danışıqlarda iştirak etməyəcək.Dohada keçiriləcək görüş ABŞ-İran münasibətlərində diplomatik təmasların davam etdirilməsi baxımından diqqətlə izlənilir.
