Ukrayna Prezidenti Volodimir Zelenski Azərbaycan Prezidenti İlham Əliyevə Ukraynanın müstəqilliyinin 35-ci ildönümü münasibətilə göndərdiyi təbrikə görə təşəkkür edib.
Elpress.az xəbər verir ki, Zelenski bu barədə “X” hesabında paylaşım edib və Azərbaycan Prezidentinin təbrik məktubunun fotosunu yayımlayıb.Ukrayna lideri Azərbaycanın Ukraynanın suverenliyi və ərazi bütövlüyünə dair mövqeyinin daim qəti olduğunu vurğulayıb. O, iki ölkə arasında uzun illər ərzində formalaşan iqtisadi əməkdaşlığın inkişaf etdirildiyini, enerji və təhlükəsizlik sahələrində yeni imkanların yaradıldığını bildirib.Zelenski həmçinin Azərbaycan və Ukraynanın ehtiyac yarandığı zaman bir-birinə dəstək göstərdiyini qeyd edib.
Ukrayna Prezidenti iki ölkə arasında dostluq, qarşılıqlı hörmət və strateji tərəfdaşlığın bundan sonra da möhkəmlənəcəyinə əminliyini ifadə edib.
