SEPAH sözçüsü: ABŞ şərtləri qəbul etməsə, Hörmüz boğazı açılmayacaq
Elpress.az xəbər verir ki, İran və Oman arasında Hörmüz boğazında gəmiçiliklə bağlı aparılan danışıqlarda razılaşma əldə olunduğu bildirilib.SEPAH-ın mətbuat katibi Hüseyn Mohebbi qeyd edib ki, tərəflər boğazın hər bir ölkənin nəzarətində olan hissələri və gəmiçilikdən əldə ediləcək gəlirlərin bölüşdürülməsi ilə bağlı razılığa gəliblər.Onun sözlərinə görə, Hörmüz boğazı hazırda İranın nəzarətindədir və Tehranın icazəsi olmadan gəmilərin keçidi mümkün deyil. Mohebbi həmçinin bildirib ki, ABŞ-a məxsus hərbi gəmilər boğazdan təxminən 400 kilometr uzaqda yerləşir.SEPAH sözçüsü ABŞ-ın İranla əldə olunan anlaşma memorandumunun şərtlərinə əməl etməsinin vacib olduğunu vurğulayıb. O bildirib ki, Vaşinqton İranın irəli sürdüyü şərtləri qəbul etməsə, Hörmüz boğazının açılması mümkün olmayacaq.
