Peskov səfərin yaxın vaxtlarda keçiriləcəyini, dəqiq tarixin isə razılaşdırılmadığını bildirib
Elpress.az xəbər verir ki, Ermənistanın Baş naziri Nikol Paşinyanın yaxın vaxtlarda Rusiyaya səfər etməsi gözlənilir.Rusiya Prezidentinin mətbuat katibi Dmitri Peskov bildirib ki, səfərin keçirilməsi ilə bağlı razılıq əldə olunub, lakin dəqiq tarix hələ müəyyənləşdirilməyib.Peskovun sözlərinə görə, tərəflər Paşinyanın Rusiyaya səfərinin yaxın müddətdə baş tutacağı barədə razılığa gəliblər.Qeyd edək ki, Rusiya Prezidenti Vladimir Putinlə Nikol Paşinyanın son görüşü sentyabrın 1-də Bişkekdə keçirilib. Görüşdə Rusiya-Ermənistan münasibətlərinin inkişafı, iqtisadi əməkdaşlıq və Ermənistanın Avropa İttifaqına üzvlük prosesi ilə bağlı məsələlər müzakirə olunub.
