Bosniya serblərinin keçmiş hərbi komandanı 84 yaşında həbsxanada ölüb
Elpress.az xəbər verir ki, Bosniya serblərinin keçmiş komandanı Ratko Mladiç 84 yaşında Haaqada vəfat edib. Onun ölümü Serbiyanın dövlət televiziyası RTS tərəfindən açıqlanıb və ailəsi tərəfindən də təsdiqlənib.Mladiç BMT-nin Haaqadakı cəzaçəkmə müəssisəsində ömürlük həbs cəzasını çəkirdi. O, 1992-1995-ci illərdə Bosniya müharibəsi zamanı Bosniya serblərinin ordusuna rəhbərlik edib və Srebrenitsa qətliamı, Sarayevonun mühasirəsi və digər ağır cinayətlərlə bağlı məhkəmə tərəfindən təqsirli bilinib.Beynəlxalq tribunal Mladiçə qarşı ilk ittihamları 1995-ci ildə irəli sürüb, 1996-cı ildə isə onun beynəlxalq axtarışa verilməsi barədə qərar qəbul edilib. Uzun müddət gizlənən Mladiç 2011-ci ildə Serbiyada saxlanılaraq Haaqaya təhvil verilib.2017-ci ildə o, soyqırımı, insanlıq əleyhinə cinayətlər və müharibə cinayətlərində təqsirli bilinərək ömürlük həbs cəzasına məhkum edilib. Son illərdə onun səhhəti ciddi şəkildə pisləşmiş və bir neçə insult keçirmişdi.
