Azyaşlının atalığı tərəfindən döyüldüyü bildirilir, ananın valideynlik hüququ məsələsinə baxılır
Elpress.az xəbər verir ki, Lənkəranda 3 yaşlı uşağın fiziki zorakılığa məruz qalması ilə bağlı araşdırma aparılır.2023-cü il təvəllüdlü azyaşlı səhər saatlarında Lənkəran Rayon Mərkəzi Xəstəxanasının Təcili tibbi yardım şöbəsinə yerləşdirilib. Tibbi müayinə zamanı uşağın sağ gözaltı nahiyəsində, sol qulağında, sifətində və kürəyində qançırlar müəyyən olunub.Azyaşlıya zəruri tibbi yardım göstərilib və müalicəsi davam etdirilir. Hazırda onun vəziyyəti stabil qiymətləndirilir.İlkin məlumatlarda uşağın digər uşaqlarla oynayarkən xəsarət aldığı bildirilsə də, sonradan onun atalığı tərəfindən döyüldüyü qeyd olunub.Faktla bağlı Lənkəran Şəhər Rayon Polis Şöbəsində təhqiqat aparılır və müvafiq ekspertiza təyin edilib. Araşdırmanın nəticələrinə əsasən hadisəyə hüquqi qiymət veriləcək.Hadisə ilə əlaqədar uşağın təhlükəsizliyinin və hüquqlarının qorunması istiqamətində də tədbirlər görülür. Eyni zamanda, uşağın anasının valideynlik hüququnun məhdudlaşdırılması məsələsinə qanunvericiliyə uyğun şəkildə baxılır. Anaya psixoloji dəstək göstərilməsi məqsədilə müvafiq mütəxəssislərlə görüşlər keçirilir.
