XIV Leo diplomatik səylərin konkret nəticələr verməsini arzulayıb
Elpress.az xəbər verir ki, Roma Papası XIV Leo Ukrayna münaqişəsinin həlli istiqamətində aparılan diplomatik təşəbbüslərin nəticə verməsini arzulayıb.O, ənənəvi bazar günü dini mərasimi zamanı bildirib ki, danışıqların yenidən başlamasına yönələn səylərin uğurla nəticələnməsi və diplomatik imkanların genişlənməsi vacibdir.Roma Papası bütün dünyadakı münaqişələrdə qarşılıqlı anlaşma və razılığın üstünlük təşkil etməsi üçün dua etməyə çağırıb.Onun açıqlaması Rusiya və Ukrayna arasında münaqişənin nizamlanması ilə bağlı diplomatik təmasların yenidən gündəmə gəldiyi bir vaxtda səslənib. ABŞ Prezidentinin xüsusi nümayəndələri Stiv Uitkoff və Cared Kuşnerin də Rusiya və Ukraynaya səfərləri çərçivəsində yüksək səviyyəli görüşlər keçirdikləri bildirilib.
