Aysel Əlibəyli
08 Oktyabr 2026 · 05:40
1012 baxış
Litva Rusiyanın Kalininqrad vilayəti ilə sərhəddə təhlükəsizlik tədbirlərini gücləndirməyə hazırlaşır.
Elpress.az xəbər verir ki, Litva hərbçilərinin yaxın həftələrdə sərhədçilərlə birgə həmin ərazidə xidmətə cəlb olunması planlaşdırılır.
Müdafiə naziri Robertas Kaunas bildirib ki, qərar daxili işlər naziri Martinas Katelinasın sərhədin mühafizəsinin gücləndirilməsi ilə bağlı müraciətindən sonra qəbul edilib.
Katelinas bölgədəki ümumi təhlükəsizlik vəziyyətini əsas gətirərək hərbçilərin sərhəd xidmətinə dəstək verməsinin zəruri olduğunu bildirib. Onun sözlərinə görə, ordunun bu prosesə cəlb olunması preventiv xarakter daşıyır.
