Londonda temperatur 38,1 dərəcəyə yüksəlib, ölkədə yüksək temperaturla bağlı xəbərdarlıqlar verilib
Elpress.az xəbər verir ki, Böyük Britaniyada davam edən isti hava dalğası fonunda ilin ən yüksək temperatur göstəricisi qeydə alınıb.Londondakı Kyu Qardens ərazisində temperaturun 38,1 dərəcəyə yüksəldiyi bildirilib. Böyük Britaniyanın Meteorologiya Xidməti bu göstəricinin 2026-cı ilin indiyədək ən yüksək temperaturu olduğunu açıqlayıb. İsti hava ilə əlaqədar İngiltərənin cənub və şərq bölgələri, eləcə də Midlands ərazisinin bir hissəsi üçün narıncı xəbərdarlıq elan edilib. Şimali İrlandiyada güclü ildırım və leysan ehtimalı ilə bağlı sarı xəbərdarlıq qüvvədədir.Şotlandiyanın bir sıra ərazilərində isə isti və quraq hava şəraiti meşə yanğınları riskini artırıb.
