Li Çje Myon daşınmaz əmlak bazarının sabitləşdirilməsi məqsədilə yeganə mənzilini satmaq qərarı verib
Elpress.az xəbər verir ki, Cənubi Koreya Prezidenti Li Çje Myon hökumətin daşınmaz əmlak bazarında sabitliyin təmin olunmasına yönəlmiş siyasətinə dəstək məqsədilə yeganə mənzilini satmaq qərarı verib.Bu barədə “Yonhap” agentliyi məlumat yayıb. Prezident Nazirlər Kabinetinin iclasında çıxışı zamanı artıq mənzilinin olmadığını bildirib və satış prosesinin yekunlaşmaq üzrə olduğunu qeyd edib. Məlumata görə, alqı-satqı ilə bağlı ilkin razılaşma əldə olunub və rəsmi müqavilənin yaxın vaxtlarda imzalanması gözlənilir.Xatırladaq ki, Li Çje Myon bu ilin fevral ayında paytaxt Seuldan təxminən 20 kilometr cənubda yerləşən Sonnam şəhərinin prestijli ərazisindəki mənzilini satışa çıxarmışdı. Prezident daha əvvəl daşınmaz əmlak bazarında spekulyasiyaların qarşısının alınması və sürətlə bahalaşan mənzil qiymətlərinin tənzimlənməsi məqsədilə vergi və maliyyə siyasətində dəyişikliklər ediləcəyini də açıqlamışdı.
