Keçmiş SEPAH komandanı İran Milli Təhlükəsizlik Ali Şurasının katibi oldu
Elpress.az xəbər verir ki, İranın keçmiş İslam İnqilabı Keşikçiləri Korpusunun (SEPAH) komandanı Möhsin Rezai Milli Təhlükəsizlik Ali Şurasının katibi təyin edilib.İran Prezidentinin ofisinin yaydığı məlumata görə, qərar Prezident Məsud Pezeşkian tərəfindən imzalanan sərəncamla qəbul olunub. Rezai bu vəzifədə Məhəmməd Baqer Zülqəderi əvəz edib. Zülqəderin istefasından sonra onun siyasi məsələlər üzrə müşavir təyin edildiyi bildirilib.Möhsin Rezai eyni zamanda İranın ali rəhbəri Seyid Müctəba Hüseyni Xamenei tərəfindən Milli Təhlükəsizlik Ali Şurasında ali rəhbərin nümayəndəsi vəzifəsinə təyin olunub.72 yaşlı Rezai İranın tanınmış hərbi və siyasi xadimlərindən biridir. O, daha əvvəl SEPAH-a rəhbərlik edib və İranın ali rəhbərinin hərbi müşaviri vəzifəsində çalışıb.
