12 avqust 2026-cı ildə İspaniyada nadir astronomik hadisə baş verib. Tam Günəş tutulması ölkənin bir sıra ərazilərindən aydın şəkildə müşahidə olunub.
Elpress.az xəbər verir ki, Hadisə zamanı Ay Günəşlə Yer arasından keçərək Günəşin diskini tamamilə örtüb. Nəticədə tutulmanın tam müşahidə olunduğu ərazilərdə gündüz saatlarında qısa müddətlik qaranlıq yaranıb və səma üzərində Günəşin parlaq tacı görünüb.
Tam tutulmanın bəzi bölgələrdə təxminən iki dəqiqə davam etdiyi bildirilib. Xüsusilə İspaniyanın müxtəlif ərazilərində hadisəni izləmək üçün çox sayda insan küçələrə çıxıb və nadir anları kameralarla qeydə alıb.Günəş tutulması zamanı temperaturun aşağı düşməsi və ətraf mühitin qısa müddət ərzində dəyişməsi də müşahidə olunub.
Hadisə astronomiya həvəskarları ilə yanaşı, adi vətəndaşların da böyük marağına səbəb olub.
Qeyd edək ki, İberiya yarımadasında bundan əvvəl tam Günəş tutulması uzun illər əvvəl müşahidə olunub. 12 avqustda baş verən tutulma isə regionda uzun müddətdən sonra müşahidə edilən ən diqqətçəkən astronomik hadisələrdən biri kimi qiymətləndirilir.
Mütəxəssislər Günəş tutulmasına adi gözlə birbaşa baxmağın gözlər üçün təhlükəli olduğunu bildirirlər. Belə hadisələri yalnız xüsusi qoruyucu eynəklərdən istifadə etməklə izləmək tövsiyə olunur.
