“Saudel” tayfunu Cıcian əyalətində güclü külək və yağışa səbəb olub
Elpress.az xəbər verir ki, Çinin Cıcian əyalətində “Saudel” tayfununun yaratdığı təhlükə ilə əlaqədar təxminən 270 min sakin təhlükəsiz ərazilərə köçürülüb.Əyalət hökumətinin məlumatına əsasən, ilin 18-ci tayfunu yerli vaxtla səhər saatlarında Yuhuan şəhərinin sahillərinə çatıb. Təbii fəlakət güclü külək və intensiv yağıntılarla müşayiət olunub. Tayfunun mərkəzində küləyin sürəti saniyədə 35 metrə çatıb. Təxminən bir saat sonra “Saudel” Vencou şəhərinin sahillərinə yaxınlaşıb.Təhlükənin qarşısının alınması məqsədilə əyalətdə bir gün əvvəl ən yüksək səviyyəli fövqəladə hazırlıq rejimi tətbiq edilib. Dənizdə olan qayıqlar sahilə qaytarılıb.Bildirilib ki, avqustun 27-dən etibarən 80 mindən çox mülki müdafiə əməkdaşı və 80 texnika mümkün fövqəladə hallara müdaxilə üçün hazırlıq vəziyyətində saxlanılıb.Milli Meteorologiya Mərkəzinin proqnozuna görə, tayfun saatda 20-25 kilometr sürətlə cənub-qərb istiqamətində irəliləyəcək və zaman keçdikcə gücünü itirəcək.
