Qida təhlükəsizliyi sahəsi üçün ixtisaslı kadrların hazırlanması ilə bağlı yeni layihə nəzərdən keçirilib
Elpress.az xəbər verir ki, Azərbaycan Respublikasının Qida Təhlükəsizliyi Agentliyi (AQTA) ilə Dövlət Məşğulluq Agentliyinin (DMA) nümayəndələri arasında peşə hazırlığı layihəsinə həsr olunmuş görüş keçirilib.Görüş zamanı qida təhlükəsizliyi sektorunda peşəkar kadrların yetişdirilməsi, əmək bazarının ehtiyaclarına uyğun təlim və hazırlıq proqramlarının formalaşdırılması, həmçinin bu sahədə dövlət qurumları arasında əməkdaşlığın gücləndirilməsi məsələləri diqqət mərkəzində olub.İştirakçılar qida təhlükəsizliyi sisteminin səmərəli və davamlı inkişafında ixtisaslı mütəxəssislərin rolunun vacibliyini qeyd ediblər. Eyni zamanda hazırlanması nəzərdə tutulan layihənin gələcək imkanları və peşə hazırlığı proqramlarının məzmununun müəyyənləşdirilməsi barədə fikir mübadiləsi aparılıb.
