Rusiyada qadınlara çağırış varəqələri gəlir: Səbəb hərbi-uçot ixtisasları və texniki xətalardır
Elpress.az xəbər verir ki, Rusiyada son vaxtlar bəzi qadınların hərbi komissarlıqlardan çağırış varəqələri alması geniş müzakirələrə səbəb olub. Bu çağırışlar əsasən tibb, əczaçılıq, rabitə, informasiya texnologiyaları və digər hərbi-uçot ixtisasına malik mütəxəssis qadınlara şamil olunur. Bəzi hallarda isə elektron uçot sistemindəki texniki uyğunsuzluqlar səbəbindən hərbi qeydiyyatla əlaqəsi olmayan şəxslərə də səhvən bildiriş göndərildiyi bildirilir.Rusiya qanunvericiliyinə görə, qadınlar sülh dövründə məcburi hərbi xidmətə və toplanışlara cəlb edilmirlər; lakin hərbi-uçot öhdəliyi olanlar çağırış aldıqda komisarlığa müraciət etməlidirlər. Hüquqşünaslar qeyd edirlər ki, bildirişin səhvən gəldiyi təqdirdə, müvafiq sənədlərlə hərbi komissarlığa müraciət edərək məlumatların düzəldilməsini tələb etmək mümkündür.
