Xəstə heyvanla təmasda olan şəxslər tibbi müşahidəyə götürülüb
Elpress.az xəbər verir ki, Samux rayonunda qeydə alınan qarayara hadisəsi ilə əlaqədar aidiyyəti qurumlar tərəfindən tədbirlər görülür.Səhiyyə Nazirliyi, Qida Təhlükəsizliyi Agentliyi və TƏBİB-in birgə məlumatına əsasən, ilkin epidemioloji araşdırma zamanı xəstəliyə şübhəli şəxslərin iribuynuzlu heyvanlarla təmasda olduğu müəyyənləşdirilib. Onlardan birindən götürülən nümunənin laborator müayinəsi nəticəsində qarayara diaqnozu təsdiqlənib.Xəstə heyvanla təmasda olan 9 nəfər müəyyən edilərək Gəncə Şəhər Birləşmiş Xəstəxanasının yoluxucu xəstəliklər şöbəsində izolyasiya olunub. Həmin şəxslərdən laborator müayinələr üçün nümunələr götürülərək müvafiq tibb müəssisəsinə göndərilib.Qurumlar bildiriblər ki, hazırda əhali arasında xəstəliyin yayılması müşahidə olunmur və vəziyyət nəzarətdə saxlanılır. Zəruri epidemioloji tədbirlər davam etdirilir.Vətəndaşlara xəstə və ya tələf olmuş heyvanlarla, həmçinin şübhəli heyvan mənşəli məhsullarla təmasdan uzaq durmaq tövsiyə olunur.
