Suriya məhkəməsi keçmiş prezident Bəşər Əsədi ölüm cəzasına məhkum edib
Elpress.az xəbər verir ki, Suriya məhkəməsi ölkənin keçmiş prezidenti Bəşər Əsəd barəsində ölüm hökmü çıxarıb.Dəməşq Cinayət Məhkəməsində keçirilən prosesdə Əsəd insanlıq əleyhinə cinayətlər, qətl və işgəncə ittihamları üzrə təqsirli bilinib. Məhkəmə onun qardaşı Mahir Əsəd və keçmiş təhlükəsizlik rəsmisi Atef Nacib haqqında da ölüm hökmü çıxarıb.Bəşər və Mahir Əsəd məhkəməyə gəlmədikləri üçün qiyabi mühakimə olunublar. Onların beynəlxalq axtarışa verilməsi ilə bağlı da qərar qəbul edilib. Atef Nacib isə məhkəmə iclasında iştirak edib və 2011-ci ildə Dəraa vilayətində baş verən hadisələrlə bağlı qətl, işgəncə və qətlə təhrikdə ittiham olunub.Xatırladaq ki, Bəşər Əsəd 2024-cü ilin dekabrında hakimiyyətdən uzaqlaşdırıldıqdan sonra Suriyanı tərk edərək ailəsi ilə birlikdə Rusiyaya gedib.
