Aysel Əlibəyli
09 Avqust 2026 · 19:07
1006 baxış
Aqrar sığorta fəaliyyəti üzrə müstəqil ekspert sertifikatı almaq istəyən namizədlər üçün test imtahanı keçirilib.
Elpress.az xəbər verir ki, 9 avqust tarixində keçirilən imtahan Dövlət İmtahan Mərkəzi tərəfindən elektron formada təşkil olunub.İmtahanda 15 nəfər iştirak edib. Onlardan 4 nəfər uğur qazanaraq müstəqil ekspert sertifikatı əldə edib.
Namizədlər imtahanı başa çatdırdıqdan və ya ayrılmış vaxt tamamlandıqdan sonra nəticələri ilə tanış olmaq imkanı əldə ediblər. Nəticələrin DİM-in rəsmi internet səhifəsində də yerləşdiriləcəyi bildirilib.
İmtahan nəticələri ilə bağlı Apellyasiya Komissiyası avqustun 10-u və 11-də saat 14:00-dan 17:00-dək DİM-in əsas inzibati binasında fəaliyyət göstərəcək.
