Malayziyada yaşayan bir ailə lotereyada qazandığı milyonlarla dollar dəyərində uduşla ölkə gündəminə çevrilib.
Elpress.az xəbər verir ki, Pinanq ştatının Eyr-İtam şəhərində yaşayan cütlük falçının tövsiyəsindən sonra lotereya üçün həyatları ilə bağlı rəqəmləri seçmək qərarına gəlib.
Məlumata görə, onlar şəxsiyyət vəsiqələrindəki rəqəmlərlə oynayaraq 8,1 milyon Malayziya rinqqiti məbləğində böyük uduş əldə ediblər. Bu isə təxminən 2 milyon ABŞ dollarına bərabərdir.
Qaliblərdən biri əvvəlcə nəticəyə inanmadığını, lotereya tətbiqini dəfələrlə yoxladığını bildirib. O, qazandığı böyük məbləğə baxmayaraq, hazırkı işindən ayrılmaq niyyətində olmadığını deyib.
Ailə əldə olunan vəsaiti ilk növbədə borclarını bağlamağa, daha sonra isə uzunmüddətli səyahətə sərf etməyi planlaşdırır. Bildirilib ki, həyat yoldaşı təqaüdə çıxacaq, ailə başçısı isə mühasib kimi fəaliyyətini davam etdirəcək.
