İranın xarici işlər naziri Abbas Əraqçi regionda uzunmüddətli sülh və sabitliyin təmin olunmasının təhlükəsizlik məsələlərində regional əməkdaşlıqdan asılı olduğunu bildirib.
Elpress.az xəbər verir ki, nazir xarici qüvvələrin bölgədəki mövcudluğunun tamamilə aradan qaldırılmasının vacibliyini vurğulayıb.
Əraqçinin sözlərinə görə, region ölkələri təhlükəsizliyi öz imkanları və qarşılıqlı razılaşmaları əsasında təmin etməyə çalışmalıdır. O, dövlətlər arasında əməkdaşlığın genişləndirilməsini və ortaq təhlükəsizlik mexanizmlərinin yaradılmasını dəstəkləyib.
Qeyd edək ki, Əraqçi oktyabrın 19-da Rusiyanın xarici işlər naziri Sergey Lavrovla Tehranda keçirdiyi birgə mətbuat konfransında da xarici hərbi qüvvələrin regionda mövcudluğuna qarşı çıxmış, təhlükəsizlik məsələlərinin bölgə ölkələrinin iştirakı ilə həllini müdafiə etmişdi.
