Bakıda yerləşən “İdrak” liseyində müəllimin güllələnməsi hadisəsində istifadə olunan odlu silahın sahibi barədə məhkəmə qərarı açıqlanıb.
Elpress.az xəbər verir ki, Binəqədi Rayon Məhkəməsində keçirilən prosesdə təqsirləndirilən Samir Şiriniov Cinayət Məcəlləsinin 230-cu maddəsi ilə təqsirli bilinib.Məhkəmənin qərarına əsasən, onun aylıq gəlirinin 20 faizi dövlət nəfinə tutulmaqla 2 il müddətinə islah işləri cəzası təyin olunub.
Qeyd edək ki, liseydə müəllimin güllələnməsi ilə bağlı əsas cinayət işi üzrə məktəbli yeniyetmənin məhkəmə araşdırması hazırda davam edir.Xatırladaq ki, hadisə bu ilin 6 fevral tarixində Binəqədi rayonunda yerləşən özəl “İdrak” liseyində baş verib. İstintaqın məlumatına görə, məktəbdə şagird tərəfindən odlu silahdan atəş açılması nəticəsində müəllim xəsarət alıb.
Hadisədən sonra şübhəli şəxs saxlanılıb və barəsində həbs qətimkan tədbiri seçilib.Hazırda faktla bağlı cinayət işi üzrə məhkəmə prosesi davam etdirilir.
