Füzuli Beynəlxalq Hava Limanında keçirilən “Aerokosmik Modelçilik Festivalı 2026” gənclərin texniki bacarıqlarını nümayiş etdirdiyi və innovativ ideyalarını təqdim etdiyi maraqlı tədbirlə yadda qalıb.
Elpress.az xəbər verir ki, festival çərçivəsində iştirakçılar müxtəlif istiqamətlər üzrə hazırlanmış model layihələri ilə çıxış edərək aerokosmik sahəyə olan maraqlarını nümayiş etdiriblər.
Tədbir ümumilikdə 12 kateqoriya üzrə təşkil olunub. Festivalın əsas məqsədi gənclərdə texniki yaradıcılığı inkişaf etdirmək, innovativ düşüncə tərzini təşviq etmək və aerokosmik texnologiyalara marağı artırmaq olub.
Belə təşəbbüslərin gələcəkdə elm və texnologiya sahəsində yeni istedadların üzə çıxmasına, eyni zamanda ölkədə innovasiya mühitinin güclənməsinə töhfə verəcəyi vurğulanıb.
