Azərbaycan Prezidenti İlham Əliyev FIFA U-15 Dünya Çempionatı və Festivalının açılış oyununda Timor-Leste üzərində 6:0 hesablı qələbə qazanan milli komandanın futbolçuları ilə görüşüb.
Elpress.az xəbər verir ki, görüşdə birinci xanım Mehriban Əliyeva və dövlət başçısının ailə üzvləri də iştirak ediblər.
İlham Əliyev gənc futbolçuların nümayiş etdirdiyi oyunu yüksək qiymətləndirərək vurulan qolların hər birinin gözəl olduğunu bildirib. O, komandanın peşəkarlıq tələb edən kombinasiyalar qurduğunu vurğulayıb.
Prezident qeyd edib ki, ilk dəfə təşkil olunan bu miqyaslı turnirə Azərbaycanın ev sahibliyi etməsi ölkə futbolu üçün əlamətdar hadisədir. O, millinin açılış matçındakı inamlı qələbəsinin tarixdə qalacağını deyərək futbolçulara gələcək oyunlarda uğurlar arzulayıb.
Qeyd edək ki, FIFA U-15 Dünya Çempionatı və Festivalı oktyabrın 30-dək Bakıda davam edəcək.
