Aysel Əlibəyli
25 Oktyabr 2026 · 13:49
1020 baxış
Ukrayna ordusunun pilotsuz uçuş aparatlarından istifadə etməsi və yeraltı keçidlərə nəzarəti Rusiyanın Kupyansk istiqamətində hərəkətini çətinləşdirir.
Elpress.az xəbər verir ki, bu barədə Müharibənin Öyrənilməsi İnstitutunun (ISW) hesabatında bildirilib.
Hesabata əsasən, Ukrayna qüvvələri Radkovkadan Qolubovkanın şimal-şərqinə uzanan, Oskol çayının altından keçən yeraltı boru kəmərinin bir hissəsinə nəzarəti ələ keçirib. Analitiklərin qiymətləndirməsinə görə, bu addım PUA əməliyyatları ilə birlikdə Rusiya qoşunlarının Kupyanskın şimalına irəliləməsini məhdudlaşdırır.
ISW, həmçinin Ukrayna qüvvələrinin Orixiv istiqamətində əks-hücumlar həyata keçirərək Rusiya tərəfinin hücum planlarına mane olduğunu qeyd edib.
