Külli miqdarda dələduzluqda şübhəli bilinən şəxs beynəlxalq axtarışdan sonra Ukraynada tutulub
Elpress.az xəbər verir ki, Külli miqdarda dələduzluq törətməkdə şübhəli bilinən Azərbaycan vətəndaşı Seymur Salah oğlu Salahzadənin Ukraynadan Azərbaycana ekstradisiyası ilə bağlı razılıq əldə olunub.Məlumata görə, ekstradisiya qərarı Azərbaycan Baş Prokurorluğunun Ukrayna Baş Prokurorluğuna müraciəti, zəruri sənədlərin təqdim edilməsi və tərəflər arasında aparılan danışıqlar nəticəsində qəbul edilib.Seymur Salahzadənin barəsində Azərbaycanda cinayət təqibi həyata keçirilir. O, istintaqdan yayınaraq gizləndiyi üçün beynəlxalq axtarışa verilib. Keçirilən tədbirlər nəticəsində onun Ukrayna ərazisində olduğu müəyyənləşdirilərək saxlanılması təmin edilib.Hazırda təqsirləndirilən şəxsin Azərbaycana gətirilməsi üçün müvafiq prosedurlar həyata keçirilir.
