Ermənistanın baş naziri Nikol Paşinyan ölkə ərazisinə keçən Azərbaycan vətəndaşının Azərbaycana qaytarılacağını açıqlayıb.
Elpress.az xəbər verir ki, Paşinyan jurnalistlərə açıqlamasında həmin şəxsin sərhədi keçdikdən sonra Ermənistan hərbçiləri tərəfindən aşkarlandığını və Milli Təhlükəsizlik Xidmətinə təhvil verildiyini deyib.
“Bu şəxs sərhədi keçib, hərbçilər onu aşkar edərək Milli Təhlükəsizlik Xidmətinə təhvil veriblər. O, Respublika meydanında saxlanılmayıb. Sərhədi keçib və biz onu qaytarmalıyıq”, – deyə Ermənistanın baş naziri bildirib.
Xatırladaq ki, Ermənistan Milli Təhlükəsizlik Xidməti oktyabrın 19-da saat 17:50-də 1968-ci il təvəllüdlü Azərbaycan vətəndaşı Yaşar İli oğlu Qasımovun Tavuş vilayəti istiqamətindən ölkə ərazisinə keçdiyini açıqlamışdı. Qurum onun Azərbaycana qaytarılması üçün müvafiq tədbirlərin görüldüyünü də bildirmişdi.
