Türkiyə lideri Məkkə Sazişinin regional sülh və həmrəyliyə xidmət etdiyini bildirib
Elpress.az xəbər verir ki, Türkiyə Prezidenti Rəcəb Tayyib Ərdoğan Məkkə Sazişinin əsas məqsədləri barədə açıqlama verib.Ərdoğan bildirib ki, sazişin əsas prinsiplərindən biri iştirakçı ölkələrin təhlükəsizliyinin qarşılıqlı şəkildə təmin edilməsidir. Onun sözlərinə görə, sazişə qoşulan dövlətlər bir-birinə təhlükə yaratmamaq və mümkün təhdidlər qarşısında həmrəylik göstərmək öhdəliyi götürürlər.Türkiyə Prezidenti vurğulayıb ki, sənədin məqsədi hər hansı ölkəni hədəfə almaq deyil. Əsas hədəf regionda sülh və sabitliyin möhkəmləndirilməsi, eləcə də xalqların rifahının təmin olunmasıdır.Ərdoğan həmçinin sazişin bölgədə sülh və sabitlik tərəfdarı olan digər ölkələrin də qoşulması üçün açıq olduğunu qeyd edib.Xatırladaq ki, Məkkə Sazişi Türkiyə Prezidenti Rəcəb Tayyib Ərdoğan, Səudiyyə Ərəbistanının vəliəhd şahzadəsi Məhəmməd bin Salman və Pakistanın Baş naziri Şahbaz Şərif tərəfindən imzalanıb. Sənədə əsasən, alyans üzvlərindən birinə qarşı hücum bütün iştirakçılara qarşı hücum kimi qiymətləndiriləcək.
