Azərbaycan Dövlət Dəniz Akademiyasına (ADDA) müvəqqəti rəhbərlik İradə Süleymanovaya həvalə olunub.
Elpress.az xəbər verir ki, bununla bağlı “Azərbaycan Xəzər Dəniz Gəmiçiliyi” QSC-nin İdarə Heyətinin sədri Əfqan Cəlilov müvafiq əmr imzalayıb.
İradə Süleymanova akademiyanın tədrisin təşkili və idarə edilməsi üzrə prorektorudur. Qurumdan məlumatı təsdiqləyərək ADDA-nın fəaliyyətinə müvəqqəti rəhbərliyin onun tərəfindən həyata keçirildiyini bildiriblər.
Qeyd edək ki, Süleymanova 2014–2024-cü illərdə Bakı Dövlət Universitetinin SABAH Mərkəzinə rəhbərlik edib, 2024–2026-cı illərdə isə Qarabağ Universitetində Tələbələrlə İş şöbəsinin müdiri vəzifəsində çalışıb.
Akademiyanın əvvəlki rektor əvəzi, elmi işlər və beynəlxalq əlaqələr üzrə prorektor Vüqar Sadıqov isə ADDA-nın müşaviri təyin olunub.
