Sadiq Əliyev maliyyə nazirinin müavini vəzifəsinə gətirilib.
Elpress.az xəbər verir ki, Prezident İlham Əliyev oktyabrın 30-da bununla bağlı sərəncam imzalayıb. Sərəncama əsasən, Sadiq Cabir oğlu Əliyev maliyyə nazirinin müavini təyin edilib.
1984-cü ildə anadan olan Sadiq Əliyev Azərbaycan Dövlət İqtisad Universitetində maliyyə-kredit ixtisası üzrə bakalavr və magistr təhsili alıb.
Əmək fəaliyyətinə 2005-ci ildə özəl sektorda başlayıb. 2006–2019-cu illərdə Tarif (Qiymət) Şurasının Katibliyində müxtəlif rəhbər vəzifələrdə çalışıb. 2019-cu ildə İqtisadiyyat Nazirliyinin Tarif siyasəti şöbəsinin müdiri vəzifəsini icra edib.
2019–2024-cü illərdə Əmək və Əhalinin Sosial Müdafiəsi Nazirliyinin Strateji planlaşdırma və innovasiyalar şöbəsinə rəhbərlik edib. 2024-cü ilin mayından 2026-cı ilin yanvarınadək Dövlət Məşğulluq Agentliyinin İdarə Heyətinin sədri olub.
2026-cı il yanvarın 8-də Maliyyə Nazirliyi yanında Dövlət Xəzinədarlıq Agentliyinin direktoru təyin edilən Sadiq Əliyev yeni vəzifəyə qədər bu quruma rəhbərlik edib.
