UEFA Çempionlar Liqasının əsas mərhələsində mübarizə aparan “Sabah” doğma meydanda Almaniyanın “Borussiya” (Dortmund) klubu ilə qarşılaşıb. Bakı Olimpiya Stadionunda keçirilən görüş qonaqların 2:1 hesablı qələbəsi ilə başa çatıb.
Elpress.az xəbər verir ki, qarşılaşmada hesabı 10-cu dəqiqədə Seru Qirassi açıb. Azərbaycan təmsilçisi ilk hissədə oyuna qayıtmağı bacarıb və 39-cu dəqiqədə Eyden Makkartinin qolu ilə tarazlığı bərpa edib. Beləliklə, komandalar fasiləyə 1:1 hesabı ilə yollanıblar.
İkinci hissənin 53-cü dəqiqəsində Qirassi yenidən fərqlənərək Almaniya klubunu hesabda önə keçirib. Görüşün qalan dəqiqələrində “Sabah” hesabı bərabərləşdirmək üçün mübarizə aparsa da, meydan sahibləri ikinci qolu vurmağa nail olmayıblar.
Beləliklə, Dortmund təmsilçisi Bakıdan üç xalla ayrılıb. Qirassi isə matçda vurduğu iki qolla komandasının qələbəsində əsas pay sahibi olub.
Valdas Dambrauskasın rəhbərlik etdiyi “Sabah” Çempionlar Liqasının növbəti oyununu noyabrın 4-də səfərdə Norveçin “Viking” klubuna qarşı keçirəcək.
