Vətən Müharibəsi Qəhrəmanı Xaliq İbrahimov Azərbaycan Hərbi Dəniz Qüvvələrində növbəti hərbi rütbəyə yüksəlib. O, bundan sonra 1-ci dərəcəli kapitan rütbəsi daşıyacaq.
Elpress.az xəbər verir ki, müdafiə naziri, general-polkovnik Zakir Həsənov bununla bağlı müvafiq əmr imzalayıb.
1-ci dərəcəli kapitan rütbəsi digər qoşun növlərindəki polkovnik rütbəsinə bərabər hesab olunur. Hərbi Dəniz Qüvvələrində bu pillədən sonrakı ali rütbə kontr-admiraldır.
Xaliq İbrahimov 2020-ci ildə Vətən müharibəsi zamanı Sualtı Hücum Xüsusi Təyinatlı (SAT) dəstəsinin zabiti kimi xidmət edib. Döyüşlərdə Cəbrayıl, Füzuli, Xocavənd və Qubadlının azad olunması əməliyyatlarında, eləcə də Milli Qəhrəman Mübariz İbrahimovun şəhid olduğu postun azad edilməsində iştirak edib. Göstərdiyi xidmətlərə görə ona Prezidentin sərəncamı ilə “Vətən Müharibəsi Qəhrəmanı” adı verilib. Hərbçi, həmçinin Cəbrayıl, Xocavənd, Füzuli və Qubadlının azad olunmasına görə medallarla təltif edilib
