Azərbaycan Prezidenti İlham Əliyev iyulun 10-da bir sıra beynəlxalq təşkilatların rəhbər şəxslərini və nümayəndələrini qəbul edib.
Elpress.az xəbər verir ki, Görüşdə Maliyyə Tədbirləri üzrə İşçi Qrupunun və Çirkli Pulların Yuyulmasına və Terrorçuluğun Maliyyələşdirilməsinə Qarşı Mübarizə Tədbirlərinin Qiymətləndirilməsi üzrə Ekspertlər Komitəsinin (MONEYVAL) prezidenti Giles Tompson, Türk Dövlətləri Təşkilatının Baş katibi Kubanıçbek Ömüralıyev, həmçinin Eqmont Qrupunun rəhbər şəxsləri və digər beynəlxalq qurumların nümayəndələri iştirak ediblər.Söhbət zamanı Azərbaycanın Eqmont Qrupunun illik plenar sessiyasına ev sahibliyi etməsinin önəmi vurğulanıb, tədbirin yüksək səviyyədə təşkil olunduğu və müzakirələrin məhsuldar keçdiyi qeyd edilib. Tərəflər bu kimi beynəlxalq platformaların əməkdaşlığın inkişafına mühüm töhfə verdiyini bildiriblər.Görüşdə Azərbaycan ilə nümayəndə heyətində təmsil olunan beynəlxalq qurumlar arasında uğurlu əməkdaşlıqdan məmnunluq ifadə olunub, əlaqələrin daha da genişləndirilməsi istiqamətində fikir mübadiləsi aparılıb.Bununla yanaşı, ölkədə çirkli pulların yuyulması və terrorçuluğun maliyyələşdirilməsinə qarşı mübarizə sahəsində həyata keçirilən ardıcıl islahatlar, bu istiqamətdə əldə olunan nəticələr və beynəlxalq standartların tətbiqi məsələləri də müzakirə olunub.
