Mette Frederiksen 69 gün davam edən və Danimarka tarixinin ən uzun koalisiya danışıqları nəticəsində dörd partiyalı yeni hökumətin formalaşdırıldığını açıqlayıb.
Elpress.az-ın Azərtac.az-a istinadən verdiyi məlumata əsasən, Hökumət başçısı yeni kabinetə Sosialist Xalq Partiyası, Sosialist Liberal Partiyası, “Mötədillər” və sosial demokratların daxil ediləcəyini bildirib. Mette Frederiksen qeyd edib ki, hökumətin siyasi proqramı çərşənbə axşamı ictimaiyyətə təqdim olunacaq. O, uzun və çətin keçən danışıqların nəticə etibarilə uğurlu olacağına inamını ifadə edib.Xatırladaq ki, martın 24-də Danimarkada keçirilən parlament seçkilərindən sonra Mette Frederiksenin rəhbərlik etdiyi sosial demokratlar üstünlüklərini qorusa da, ciddi itkilərlə üzləşiblər. Seçkilərin nəticəsində nə sol, nə də sağ blok parlamentdə təkbaşına çoxluğu təmin edə bilməyib.
