Azərbaycan Prezidenti İlham Əliyevin Özbəkistana dövlət səfəri və Azərbaycan-Özbəkistan Ali Dövlətlərarası Şuranın ilk iclasının keçirilməsi iki ölkə arasında strateji tərəfdaşlığın yeni mərhələyə yüksəldiyini göstərir.
Elpress.az xəbər verir ki, bunu Milli Məclisin deputatı Pərvanə Vəliyeva “Report”a açıqlamasında deyib.Deputatın sözlərinə görə, Azərbaycan və Özbəkistan arasında siyasi müttəfiqlik artıq konkret iqtisadi layihələrlə müşayiət olunur. O bildirib ki, Azərbaycan şirkətlərinin Özbəkistanda bankçılıq, tikinti, şəhərsalma, enerji, sənaye, kənd təsərrüfatı, təhsil və turizm kimi sahələrdə həyata keçirdiyi layihələr xüsusi əhəmiyyət daşıyır.Pərvanə Vəliyeva Azərbaycan-Özbəkistan əməkdaşlığının regional proseslərlə də sıx bağlı olduğunu vurğulayıb. Onun fikrincə, Azərbaycan Cənubi Qafqazda, Özbəkistan isə Mərkəzi Asiyada mühüm tərəfdaş kimi Orta Dəhliz, ticarət, logistika və enerji əlaqələrinin inkişafında bir-birini tamamlayır.Deputat qeyd edib ki, iki ölkə arasında əməkdaşlıq təhsil, elm və humanitar sahələrdə də genişlənir. Bu baxımdan Özbəkistanda STEAM məktəblərinin yaradılmasını mühüm addım kimi qiymətləndirib.O bildirib ki, Azərbaycan Mərkəzi Asiya ilə əlaqələrini yalnız ikitərəfli münasibətlər çərçivəsində deyil, Cənubi Qafqaz-Mərkəzi Asiya əməkdaşlığı, Orta Dəhliz, enerji bağlantıları və Türk dünyasının inteqrasiyası kontekstində inkişaf etdirir.
Pərvanə Vəliyevanın sözlərinə görə, “C5-dən C6-ya keçid” Azərbaycanın regiondakı rolunun yeni mərhələyə daxil olduğunu göstərən mühüm amillərdən biridir.
