İnzibati Xətalar Məcəlləsinə, eləcə də “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanunlara təklif edilən dəyişikliklər müasir dövrün tələblərinə uyğun hazırlanıb.
Elpress.az AZƏRTAC-a istinadən xəbər verir ki, bu barədə Medianın İnkişafı Agentliyinin təşkilatçılığı ilə keçirilən ictimai müzakirədə Ədliyyə Nazirliyinin idarə rəisi Aytən Məmmədova məlumat verib.Onun sözlərinə görə, qanun layihəsi uşaqların psixoloji və fizioloji inkişafının zərər görməsinin qarşısını almağa, onların sağlam sosial-mədəni mühitə uyğunlaşmasını təmin etməyə xidmət edir.Aytən Məmmədova bildirib ki, layihənin əsas üstünlüklərindən biri yalnız məhdudiyyət və məsuliyyət mexanizmlərini deyil, eyni zamanda effektiv nəzarət və tənzimləmə vasitələrini də özündə birləşdirməsidir.Qeyd olunub ki, sənəddə provayderlərin istifadəçilərin yaşını müəyyənləşdirmək üçün tətbiq etməli olduqları təsdiqlənmiş üsullar qanunvericilik səviyyəsində konkret şəkildə müəyyən edilir. Bundan əlavə, yaş təsdiqi prosesinin davamlı monitorinqi və mütəmadi təhlili də nəzərdə tutulur.Məmmədovanın sözlərinə görə, sistem istifadəçi profillərini izləyəcək və yaş həddi ilə bağlı şübhə yarandıqda qanunvericiliyə uyğun tədbirlərin görülməsini təmin edəcək.
