Azərbaycan, Türkiyə və Özbəkistanın hərbi qulluqçularının qatıldığı “Birliyin Gücü – 2026” birgə hərbi təlimində praktiki döyüş tapşırıqları davam etdirilir.
Elpress.az xəbər verir ki, Müdafiə Nazirliyinin məlumatına əsasən, təlim proqramına uyğun olaraq müxtəlif ssenarilər üzrə şəxsi heyət, hərbi texnika, silah sistemləri və aviasiya vasitələri cəlb olunmaqla məşqlər keçirilir.Təlimlər zamanı aviasiya vasitələri əvvəlcədən müəyyənləşdirilmiş marşrutlarla müxtəlif yüksəkliklərdə manevrlər həyata keçirib. Şərti düşmənin hava hədəflərinə, radar və zenit-raket sistemlərinə, hərbi texnikasına, eləcə də yerüstü mövqelərinə zərbələr endirilib.Keçirilən praktiki məşqlərin əsas məqsədi pilotların döyüş şəraitinə uyğun bacarıqlarının inkişaf etdirilməsi, aviasiya bölmələrinin şəxsi heyətlə əlaqəli fəaliyyətinin təkmilləşdirilməsi və mürəkkəb hava-rəf şəraitində verilən tapşırıqları yerinə yetirmək imkanlarının qiymətləndirilməsidir.
Təlim çərçivəsində hərbi qulluqçuların müxtəlif əməliyyat ssenariləri üzrə koordinasiyalı fəaliyyətinin gücləndirilməsi istiqamətində məşqlər də davam etdirilir.
