Milli Məclisin Ukrayna ilə parlamentlərarası əlaqələr üzrə işçi qrupunun rəhbəri Əlibala Məhərrəmzadə və qrupun üzvü Erkin Qədirli iyunun 29-da Ukraynaya səfərə yollanacaqlar.
Elpress.az xəbər verir ki, Milli Məclisin Mətbuat və ictimaiyyətlə əlaqələr şöbəsinin məlumatına görə, səfər Ukrayna Ali Radasının Azərbaycanla parlamentlərarası əlaqələr üzrə deputat qrupunun həmsədri Volodimir Kreydenkonun dəvəti əsasında baş tutacaq.
Kiyevdə keçiriləcək görüşlər zamanı Azərbaycan və Ukrayna arasında parlamentlərarası əməkdaşlığın mövcud vəziyyəti və gələcək inkişaf perspektivləri müzakirə olunacaq. Tərəflərin qanunverici orqanlar arasında əlaqələrin genişləndirilməsi, qarşılıqlı təcrübə mübadiləsi və ikitərəfli münasibətlərin daha da möhkəmləndirilməsi istiqamətində fikir mübadiləsi aparacağı gözlənilir.
Qeyd edək ki, Azərbaycan və Ukrayna parlamentləri arasında əməkdaşlıq son illərdə müxtəlif səviyyəli qarşılıqlı səfərlər və birgə təşəbbüslərlə inkişaf etməkdədir.
