Aysel Əlibəyli
07 Sentyabr 2026 · 16:17
1008 baxış
Elpress.az xəbər verir ki, Azərbaycanın Latviyadakı fövqəladə və səlahiyyətli səfiri Nərminə Mustafayeva etimadnaməsini bu ölkənin Prezidenti Edqars Rinkeviçsə təqdim edib.
Mərasim Riqada baş tutub. Bununla da Nərminə Mustafayevanın Latviyadakı diplomatik fəaliyyətinə rəsmi olaraq start verilib.
Qeyd edək ki, diplomat daha əvvəl etimadnaməsinin surətini Latviyanın Xarici İşlər Nazirliyinin Dövlət Protokol idarəsinin rəhbəri vəzifəsini icra edən Zane Ventereyə təqdim etmişdi.
Nərminə Mustafayeva Prezident İlham Əliyevin 12 avqust 2026-cı il tarixli sərəncamı ilə Azərbaycanın Latviyadakı səfiri təyin olunub.
O, 2020-2026-cı illərdə Azərbaycanın İstanbul şəhərində baş konsulu vəzifəsində çalışıb.
