“Ermənistanın Avrasiya İqtisadi İttifaqındakı mövqeyi ilə bağlı qərarı yalnız Ermənistan özü müzakirə edə bilər.” 🌿
Elpress.az-ın verdiyi məlumata əsasən, Nikol Paşinyan jurnalistlərə açıqlamasında bildirib ki, Ermənistanın Avrasiya İqtisadi İttifaqındakı statusu ilə bağlı məsələləri yalnız Ermənistan müzakirə edə bilər.Baş nazir qeyd edib ki, Aİİ qaydalarına əsasən təşkilatda qalmaq və ya ayrılmaq qərarı yalnız ölkənin öz səlahiyyətindədir. O əlavə edib ki, Ermənistan tərəfdaş ölkələrin bütün suallarını cavablandırmağa hazırdır.Paşinyan, həmçinin Rosselxoznadzor tərəfindən Ermənistan mənşəli çiçəklərin idxalına tətbiq edilən müvəqqəti məhdudiyyətlərə də münasibət bildirib. Onun sözlərinə görə, fitosanitar normalara cavab verməyən məhsullarla bağlı belə hallar əvvəllər də baş verib və son illərdə müxtəlif məhsullarla əlaqədar problemlər Aİİ toplantılarında müzakirə olunub.Jurnalistin Vladimir Putinlə dost münasibətlər fonunda ixrac problemlərinin yaranması ilə bağlı sualına cavab verən Paşinyan deyib ki, şəxsi münasibətlərlə iş prinsipləri bir-birindən ayrıdır. O vurğulayıb ki, dostluq münasibətləri fitosanitar qaydaların pozulması anlamına gəlməməlidir. 🌿
