Dövlət bankı Azər Türk Bank Bakıda keçirilən “Beynəlxalq Maliyyə və Bankçılıq Sammiti 2026: Türk Dövlətlərinin Qlobal Maliyyə İnteqrasiyası” forumunda rəsmi tərəfdaş qismində iştirak edib.
Elpress.az FED.az-a istinadən xəbər verir ki, Azərbaycan Mərkəzi Bankının və Azərbaycan Banklar Assosiasiyasının dəstəyi ilə təşkil olunan tədbirə Türkiyə, Qazaxıstan, Qırğızıstan və Özbəkistanın bank assosiasiyaları da qoşulub. Forumun əsas tərəfdaşı VISA beynəlxalq ödəniş sistemi olub.Tədbirdə qlobal maliyyə və bank sektorunda son tendensiyalar, regional əməkdaşlığın genişləndirilməsi, ödəniş sistemlərinin inteqrasiyası, müxbir bank münasibətlərinin inkişafı və beynəlxalq tərəfdaşlıq imkanları müzakirə edilib.Sammit çərçivəsində maliyyə texnologiyalarına və innovativ həllərə həsr olunmuş sərgi də təşkil olunub. Azər Türk Bankın sərgidə təqdim etdiyi yeni məhsul və xidmətlər iştirakçıların marağına səbəb olub.Qeyd edək ki, 1995-ci ildən fəaliyyət göstərən Azər Türk Bank-ın səhmlərinin 75 faizi dövlətə məxsusdur. Bunun 51 faizi SOCAR vasitəsilə idarə olunur.
