Tolobek Beyşenbekov geosiyasi dəyişikliklər fonunda sammitdə aparılacaq müzakirələrin əhəmiyyətini vurğulayıb
Elpress.az xəbər verir ki, Geosiyasi proseslərin sürətlə dəyişdiyi bir dövrdə Şanxay Əməkdaşlıq Təşkilatının Zirvə toplantısının Bişkekdə keçirilməsi mühüm hadisə kimi qiymətləndirilir.Bu fikirləri APA-ya açıqlamasında Qırğızıstanın “Insap Elim” ictimai fondunun direktoru Tolobek Beyşenbekov bildirib.Onun sözlərinə görə, Bişkekdə 16 ölkənin liderlərinin bir araya gəlməsi təşkilat çərçivəsində aktual məsələlərin müzakirəsi baxımından xüsusi əhəmiyyət daşıyır. Ekspert dəyişən beynəlxalq münasibətlər fonunda dövlətlərin gələcək rolunun müəyyənləşdirilməsinin vacibliyini qeyd edib.Tolobek Beyşenbekov həmçinin sülhün möhkəmləndirilməsi üçün ölkələrin mövqelərini ortaya qoymasının, birgə təşəbbüslər irəli sürməsinin və qarşılıqlı əməkdaşlığı gücləndirməsinin vacib olduğunu vurğulayıb.Ekspert Qırğızıstanın da ŞƏT çərçivəsində öz mövqeyini və rolunu daha da gücləndirməsinin ölkə üçün mühüm əhəmiyyət daşıdığını bildirib.
