Aysel Əlibəyli
07 Sentyabr 2026 · 13:52
1014 baxış
Elpress.az xəbər verir ki, sentyabrın 7-də Rusiya Prezidenti Vladimir Putin Azərbaycan Prezidenti İlham Əliyevlə telefon danışığı aparıb.
Söhbət zamanı Azərbaycan-Rusiya münasibətlərinin gündəliyində yer alan bir sıra məsələlər ətrafında fikir mübadiləsi aparılıb.
Dövlət başçıları, xüsusilə, iki ölkə arasında ticarət-iqtisadi və humanitar sahələrdə əməkdaşlığın mövcud vəziyyətini və qarşılıqlı maraq doğuran aktual məsələləri nəzərdən keçiriblər.
Telefon danışığı zamanı Azərbaycan-Rusiya əlaqələrinin müxtəlif səviyyələrdə daha da fəallaşdırılması ilə bağlı razılıq əldə olunub.
Tərəflər ikitərəfli münasibətlərin inkişaf etdirilməsi istiqamətində təmasların davam etdirilməsinin vacibliyini vurğulayıblar.
