İlon Mask Ukraynanın Rusiyanın dərinliklərindəki hədəflərə zərbələr üçün “Starlink”dən istifadəsinə razı ola bilər
Elpress.az xəbər verir ki, Amerikalı sahibkar İlon Mask Ukraynanın Rusiyanın dərinliklərində yerləşən hərbi hədəflərə qarşı əməliyyatlarda “Starlink” sistemindən istifadəsinə icazə verməyə hazır olduğunu bildirib.“Financial Times”ın mənbələrə istinadən yaydığı məlumata görə, Mask Ukraynanın sabiq müdafiə naziri Mixail Fyodorova belə bir icazənin mümkün olduğunu, lakin qərarın siyasi xarakter daşıdığını və bunun üçün Ağ Evin təsdiqinin lazım gəldiyini deyib.
Məlumata əsasən, Kiyev “Starlink”lə təchiz edilmiş dronlardan Rusiyanın dərinliklərində yerləşən hədəflərə, o cümlədən raket buraxılış məntəqələrinə qarşı istifadə imkanını genişləndirmək istəyir. Daha əvvəl bu məqsədlə Rusiyanın ərazisinin 200 kilometrədək dərinliyində əməliyyatların mümkünlüyü müzakirə olunub. Ukraynanın bu imkanından istifadəsi ilə bağlı yekun qərarın ABŞ administrasiyasından asılı olduğu bildirilir. Məsələ ilə bağlı Fyodorov “Financial Times”a şərh verməkdən imtina edib.
