Elpress.az xəbər verir ki, Azərbaycan Prezidenti İlham Əliyev İran Prezidenti Məsud Pezeşkiana telefonla zəng edib.
Dövlət başçısı iranlı həmkarını doğum günü münasibətilə təbrik edərək ona möhkəm cansağlığı, uzun ömür və dövlətçilik fəaliyyətində uğurlar arzulayıb.
Məsud Pezeşkian göstərilən diqqətə və xoş arzulara görə Azərbaycan Prezidentinə təşəkkürünü bildirib.
Telefon danışığı zamanı iki ölkə liderləri Bişkekdə baş tutan son görüşlərini xatırlayıb, həmin görüş zamanı müzakirə edilən məsələlər barədə fikir mübadiləsi aparıblar.
Söhbət zamanı Azərbaycan hökumətinin nümayəndə heyətinin hazırda İranda səfərdə olduğu da qeyd edilib. Bildirilib ki, səfər çərçivəsində Azərbaycan-İran münasibətlərinin gündəliyində duran məsələlər ətrafında müzakirələr aparılır.
